herritarrak

UDAL BALIABIDEEN ERABILERA ARAUTZEKO ORDENANTZA

Gernika-Lumoko EH Bildutik proposamen bat egin diogu Udal Gobernuari: udal baliabideen erabilera ordenantza idazteko prozesua zabaltzea. Eta prozesua diogu, hor baitago honelako ordenantza garatzerakoan arrakastaren gakoa: guztion artean egitea. Beraz, guk eragile eta herritarrekin lantzeko proposamen zehatz bat jarri dugu mahai gainean, guztion artean zirriborro eta ondoren behar dugun ordenantza izango den itxaropenez.

Pasilekuko eskultura

Adostasun guztien gainetik errotonda bat plantatu du Udalak Pasilekuaren erdi-erdian, jolaserako eremua okupatuz, inori galdetu barik. Eta orain, 1936ko gerran aritu ziren Gudarien omenezko estatua bat jarri dute gainean. Esan gabe doaz Memoria Historikoarekiko gure konpromisoa eta faxismoaren kontra borrokatu zutenekiko gure maitasuna eta errespetua.

Bloke naranjaren okupazioa dela eta

Erro sakonak dituzten egoeren aurrean ezin gara aldekotasun edo kontrakotasunera mugatzen den mozio baten aurkezpenera mugatu, PNVk eta GorroƱotarrek aurreko Osoko Bilkuran egin zuten moduan. Herrian ardura politikoa dugunon erantzukizuna da arazoei aurrez begiratzea eta konponbideak bilatzea, eta, ildo horretan, gazteak okupaziora bultzatu dituzten arrazoiak hobeto ezagutzeko, haien nahiak eta beharrak ulertzeko, haiekin bildu ginen arestian, entzutea baita konponbidearen lehen urratsa; erabaki edo adierazpen manikeoak baino askoz urrutiago eramango gaituena.